Իրանի գերագույն առաջնորդ այաթոլլա Խամենեին Իրանի ժողովրդին շնորհակալություն է հայտնել մայիսի 19-ին տեղի ունեցած ընտրություններին մասնակցելու համար։ Այս մասին ասվում է նրա կայքում հրապարակված հաղորդագրությունում, փոխանցում է «ՌԻԱ Նովոստի»-ն։
Ավելի վաղ հայտնի է դարձել, որ Իրանում նաեւ տեղի են ունեցել քաղաքային խորհուրդների եւ խորհրդարանի լրացուցիչ ընտրությունները։ Ձայնի իրավունք ունի 56 մլն մարդ։ Ընտրությունների ընթացքում ՆԳՆ-ի տվյալներով, ավելի քան 41 մլն մարդ է քվեարկել։
Բարձր մասնակցության պատճառով իշխանությունները մի քանի անգամ երկարաձգել են քվեարկության ժամանակը, որի արդյունքում ընտրատեղամասերը փակվել են կեսգիշերին։ ՆԳՆ տվյալերով՝ ընտրություններին մասնակցությունը մոտ 70 տոկոս է կազմել։