Մենք պետք է ԱՊՀ-ի տարածքում միասնական տառատեսակի անցնենք՝ դա կիրիլիցան է: Այս մասին հայտարարել է ՌԴ կրթության եւ գիտության նախարար Օլգա Վասիլեւան, փոխանցում է «ՌԻԱ Նովոստի»-ն:
Նրա խսքով՝ վերջին 10 տարիներին ԱՊՀ-ի տարածքում տառատեսակի լատինականացում եւ արաբականացում է կատարվել: Սակայն, նրա կարծիքով, անհրաժեշտ է ԱՊՀ-ն վերադարձնել միասնական տառատեսակի՝ կիրիլիցայի, քանի որ մերձավոր արտասահմանի բնակչությունը այս տառատեսակին կապվածություն է դրսեւորում:
Նախարարը նաեւ դժգոհել է, որ վերջին 20 տարում կիրիլիցա տառատեսակի դիրքերը մի փոքր թուլացել են: Դրանից զատ, նա ընդգծել է, որ ՌԴ-ն պետք է շատ հստակ պահպանի կիրիլիցայի տարածման դիրքերը:
Նշենք, որ անկախության հռչակումից հետո Ուզբեկստանում, Թուրքմենստանում, Ադրբեջանում տեղի է ունեցել կրիլիցայի այբուբենից անցում լատինիցային, իսկ Ղազախստանում այս անցումը կիրականացվի 2025 թվականին:
