2018 թվականին Չինաստանը կսկսի արտասահմանյան հաճախորդներին ծովային պլատֆորմից տիեզերական սարքերի արձակման ծառայություններ մատուցել: Փորձարկումները կմեկնարկեն արդեն այս տարի: Այս մասին հայտարարել է Չինական օդատիեզերական գիտության եւ տեխնիկայի No.1 ինստիտուտի գիտաշխատող Թան Յագանը:
«Չինաստանը ծովային պլատֆորմից սարքերի արձակման հստակ ծրագիր ունի»,- ասել է նա:
Յագանի խոսքով՝ տեխնոլոգիական տեսանկյունից ծրագիրը բարդ չէ: Ծովային պլատֆորմը կստեղծվի բեռնանավի հիման վրա, իսկ սարքերը կարձակվեն «Չժանչժեն» շարքի հրթիռ-կրիչների օգնությամբ:
