ԱՄՆ նախագահ Դոնալդ Թրամփը իր թվիթերյան էջում քննադատել է Telegram -ի եւ Instagram-ի ծառայությունների արգելափակման մասին Իրանի իշխանությունների որոշումը, հաղորդում է Lenta-ն: «Իրանը՝ ահաբեկչության թիվ մեկ հովանավոր պետությունը, ամեն ժամ մարդու իրավունքների խախտողը, այժմ փակել է համացանցի հասանելիությունը, որպեսզի խաղաղ ցուցարարները չկարողանան հաղորդակցվել: Դա լավ չէ»,-գրել է Թրամփը:
Ավելի վաղ՝ կիրակի օրը, Իրանի իշխանությունները երկրում զանգվածային բողոքների ֆոնին արգելափակել էին երկրում հայտնի Telegram մեսենջերն ու Instagram լուսանկարների ծառայությունը: Միջոցները ձեռնարկվել են Ազգային անվտանգության բարձրագույն խորհրդի հրամանով: Telegram-ի հեղինակ Պավել Դուրովը իր թվիթերյան էջում գրել է, որ իշխանություններն որոշել են արգելափակել Telegram-ը այն բանից հետո, երբ ծրագրի ղեկավարությունը հրաժարվել է փակել խաղաղ ցուցարարների ալիքները:
Իրանում հակակառավարական ցույցերը սկսվել են դեկտեմբերի 28-ի գիշերը: Երկրի բազմաթիվ քաղաքներում, այդ թվում `Թեհրանում բողոքի ցույցերն ուղեկցվում են ուժայինների հետ բախումներով եւ պետական հաստատությունների վրա հարձակումներով: Վերջին տվյալներով՝ ցույցերի ժամանակ երկու մարդ է զոհվել: