Իսպանիայի գլխավոր դատախազությունը հայտարարել է, որ Կատալոնիայի նախկին ղեկավար Կառլես Պուչդեմոնին կալանավորելու երկրորդ եվրոպական օրդերը կտա, եթե նա, սեփական ծրագրերի համաձայն, Բելգիայից հեռանա եւ Դանիա մեկնի, հայտնում է DW-ն:
Պուչդեմոնը ծրագրում է հունվարի 22-ին մասնակցել Կոպենհագենի համալսարանում անցկացվող «Կատալոնիան եւ Եվրոպան ժողովրդավարության խաչմերուկում» կոչվող բանավեճին:
Բելգիայի սահմանների դուրս այս այցելությունը Պուչդեմոնի համար կլիներ առաջինը Իսպանիայում դատական հետապնդումից խուսափելու համար այնտեղ փախչելուց հետո: Եթե Պուչդեմոնն իսկապես Դանիա մեկնի, Իսպանիայի դատախազությունը անմիջապես Դանիայի իշխանություններին կխնդրի հաստատել նրան կալանավորելու եվրոպական օրդերը: