Մարտի 24-ին, ժամը 14:33-ին ահազանգ է ստացվել, որ Տավուշի մարզի Դիլիջան քաղաքի Կալինինի 62ա հասցեում գտնվող Հովհաննես Շարամբեյանի անվան մանկական գեղարվեստի դպրոցի տանիքի մի մասը պոկվել եւ ընկել է փողոց, իսկ մյուս մասը կախված է տանիքից:
Դեպքի վայր է մեկնել մեկ մարտական հաշվարկ:
Պարզվել է, որ ամբողջությամբ պոկվել է տանիքը՝ մոտ 100 քմ:
Փրկարարները տանիքից կախված եւ վտանգ ներկայացնող թիթեղները քանդել եւ իջեցրել են:
Տուժածներ չկան:
Մարտի 24-ին, ժամը 15:23-ին տեղեկություն է ստացվել, որ Շիրակի մարզի Գյումրի քաղաքի Մ. Մկրտչյան փողոցի թիվ 44 շենքի տանիքը մասամբ պոկվել է, կան կախված թիթեղներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարներն ամրացրել են տան տանիքի թիթեղները (մոտ 12 քմ) եւ ապամոնտաժել՝ մոտ 1,5 քմ հատված. տուժածներ չկան:
Ստացված տեղեկությունը փոխանցվել է Շիրակի մարզպետարանի տեղական ինքնակառավարման եւ հանրապետական գործադիր մարմինների հարցերով վարչության եւ Գյումրու քաղաքապետարանի բնակտնտեսության եւ համատիրությունների համակարգման բաժնի պետերին: