Հնդկաստանում հարսնացուն արարողության ժամանակ չեղյալ է հայտարարել հարսանիքը, երբ փեսացուն վախեցել է կայծակից: Ինչպես գրում է Telegraph-ը, միջադեպը տեղի է ունեցել Բիհար նահանգում:
Կինը հրաժարվել է ամուսնանալ, երբ փեսան կայծակի ձայնը լսելուց հետո սկսել է իրեն «տարօրինակ կերպով պահել»:
Քանի որ քահանան արդեն կատարել էր արարողակարգի մի մասը, փեսացուի բարեկամները դեմ էին հարսնացուի որոշմանը: Արդյունքում ընտանիքների միջեւ ծեծկռտուք է սկսվել: Ոստիկանությունը հարսնացուի 3 ազգականներին փեսացուի ընտանիքի վրա հարձակվելու պատճառով ձերբակալել է: