Աճեմօղլուն կառավարությունից որեւէ անգամ որեւէ գումար չի պահանջել։ Այս մասին ֆեյսբուքյան իր էջում գրել է ՀՀ փոխվարչապետ Տիգրան Ավինյանը` անդրադառնալով տնտեսագետ Տարոն Աճեմօղլուին 300 հազար դոլար վճարելու մասին լուրերին:
Հիշեցնենք, որ «Ժամանակ» օրաթերթը հայտնել էր, թե աշխարհահռչակ տնտեսագետ Տարոն Աճեմօղլուն համաձայնել է աջակցել Հայաստանին տնտեսությունը վերականգնելու հարցում՝ 300 հազար դոլարի դիմաց:
«Նույն տեղեկությունների համաձայն՝ ներկայումս կառավարությունում քննարկումներ են ընթանում այս առաջարկի շուրջ, սակայն միանշանակ է, որ այդ գումարը Աճեմօղլուին չի վճարվելու բյուջեից»,- գրել էր թերթը:
