Ամերիկյան Օհայո նահանգում դեռահաս աղջիկը ոստիկաններ է կանչել այն բանից հետո, երբ հայրը վատ վարքի համար նրանից խլել է հեռախոսը։ Ինչպես հայտնում է տեղեկատվական KMGH-TV կայքը, նա միջադեպը բնութագրել է որպես գողություն՝ հայտնում է Lenta-ն։
Սաուս Յուկլիդ քաղաքից դպրոցականը զանգահարել է ոստիկանություն եւ հայտարարել, որ գողացել են իր բջջային հեռախոսը։ Երբ ոստիկանները եկել են նրանց տուն, 16-ամյա աղջիկը հանցանքի մեջ հորն է մեղադրել։ Տղամարդը իրավապահներին հայտնել է, որ ժամանակավորապես վերցրել է դստեր հեռախոսը, որպեսզի պատժի նրան։
Սակայն աղջիկը շարունակել է պնդել, որ դա գողություն է, քանի որ ինքը այդ հեռախոսի սեփականատերն է։ Ոստիկանները նրան բացատրել են, որ մինչեւ 18 տարեկանը ծնողների գումարով գնված հեռախոսը արտոնություն է, ոչ թե իրավունք, ինչպես նա է կարծում։ Գնալուց առաջ նրանք աղջկան խորհուրդ են տվել լսել հորը։