ԱՄՆ գերագույն դատարանը պաշտպանել է բանակում որոշ տրանսգենդերների ծառայությունն արգելելու Դոնալդ Թրամփի քաղաքականությունը՝ հայտնում է BBC-ն։
Դատարանը բավարարել է որոշումը չեղյալ համարելու դատական արգելքի հանման Թրամփի վարչակազմի հայցը։ Ինը դատավորներից հինգը կողմ են քվեարկել Թրամփի որոշմանը, չորսը՝ դեմ։
Քաղաքականությունն արգելում է «տրանսգենդերային անձանց, որոնք սեռի փոփոխություն են պահանջում կամ արդեն փոխել են սեռը», ծառայել բանակում։
Որոշումն այն մասին, որ տրանսգենդերները կարող են ծառայել բանակում, 2016թ․ ընդունվել է Բարաք Օբամայի օրոք։ Սակայն արդեն 2017թ․ Թրամփը հայտարարել էր, որ տրանսգենդերները չեն կարող ծառայել։ Մի քանի դաշնային դատարաններ չեղարկել են Թրամփի որոշումը՝ գրում է «Ինտերֆաքսը»։
Politico-ն հայտնում է, որ 2018թ․ մարտին Թրամփի վարչակազմը հայտարարել էր հարցի ուսումնասիրությունից հետո տրանսգենդերների ծառայության կանոնների հստակեցման մասին։
