Արիզոնայում նորապսակները հարսանիքի օրը ձերբակալվել են ոստիկանների վրա հարձակվելու համար։
FoxNews-ը հայտնում է, որ ոստիկանները հաղորդագրություն են ստացել, թե հարսի շորերով կինը խանութում փորձել է հարձակվել վաճառողուհու վրա, եւ մեկնել են դեպքի վայր։ Տեսնելով իրավապահներին՝ հարսնացուն ավելի է կատաղել եւ իրեն ագրեսիվ է պահել։ Երբ ոստիկանները փորձել են նրան կալանավորել, նա, փեսացուն եւ նրանց ընկերները դիմադրություն են ցուցաբերել։ Հարսնացուն հրել է սպաներից մեկին, իսկ մյուսին հարվածել է, հայտնել է ոստիկանությունը։
Նորապսակները ձերբակալվել են ծանրացուցիչ հանգամանքներում իրավապահ մարմինների աշխատակցի վրա հարձակվելու, ձերբակալության ժամանակ դիմադրության եւ խուլիգանության մեղադրանքով։