Եվրամիությունը, Կանադան եւ 11 այլ երկրներ համաձայնության են եկել այն միջոցառումների շուրջ, որոնք պետք է COVID-19-ի եւ ապագա համաճարակների դեմ պայքարի համաշխարհային գործարքի հիմքում դրվեն, հայտնում է AP-ը:
«Օտտավայի խումբը» իր առաջարկները Առեւտրի համաշխարհային կազմակերպությանը կներկայացնի դեկտեմբերի կեսերին` հույս ունենալով, որ իր 164 անդամները կմիանան իրեն 2021 թվականի սկզբին:
Խումբը, որի մեջ չեն մտնում ԱՄՆ-ը եւ Չինաստանը, ցանկանում է, որ ԱՀԿ անդամները ստանձնեն բժշկական ապրանքների արտահանման սահմանափակումները հանելու պարտավորությունը։
Ցանկացած այդպիսի սահմանափակումներ պետք է լինեն նպատակային ու ժամանակավոր եւ չխանգարեն COVID-19-ի դեմ դեղամիջոցների հավասարաչափ ապահովման COVAX նախաձեռնությանը: Նրանց խոսքերով՝ ԱՀԿ անդամները պետք է քայլեր ձեռնարկեն առեւտրի հոսքերը մեղմելու համար, օրինակ` պարզեցնեն մաքսային ծառայությունները, այլ ոչ թե ճգնաժամի պայմաններում համավարակի հետ կապված ապրանքներ պարտադրեն:
Նրանք նաեւ ավելի շատ թափանցիկության կոչ են անում եւ կարծում են, որ ԱՀԿ-ն, Առողջապահության համաշխարհային կազմակերպությունը եւ Համաշխարհային մաքսային կազմակերպությունը կարող են ավելի սերտ համագործակցել, որպեսզի պատրաստ լինեն ապագա համավարակներին:
«Օտտավայի խմբի» անդամներն են Ավստրալիան, Բրազիլիան, Չիլին, Ճապոնիան, Քենիան, Հարավային Կորեան, Մեքսիկան, Նոր Զելանդիան, Նորվեգիան, Սինգապուրը եւ Շվեյցարիան:
