Շոկային վիճակից դուրս գալուց հետո քաղաքացիներն ավելի զանգվածաբար կմասնակցեն ցույցերին: Այս մասին Ազգային ժողովում ավանդական ճեպազրույցների ժամանակ հայտարարեց «Բարգավաճ Հայաստանի» պատգամավոր Իվետա Տոնոյանը:
Նրա խոսքով՝ իշխանություններն անկարող են գործել եւ արձագանքել առաջացած մարտահրավերներին եւ խնդիրներին: «Նույնիսկ Էրդողանի եւ Ալիեւի երեկվա հայտարարություններից հետո 8 ժամ պահանջվեց, որպեսզի կառավարությունն ու վարչապետի մամուլի խոսնակը հայտարարությամբ հանդես գան, այն էլ՝ դատարկ եւ անբովանդակային: Նույնիսկ Ռուսաստանի պաշտոնական ներկայացուցիչները շուտ արձագանքեցին»,-նշեց Տոնոյանը:
Նրա գնահատմամբ՝ վարչապետ Փաշինյանն ավելի «խիզախ» է իր երկրի ընդդիմության դեմ պայքարում, բաց չի թողնում իր հարսցեին որեւէ արտահայտություն եւ անդրադառնում է բոլոր կետերին: «Իսկ այդ հարցում նա պատասխան չգտավ: Երբ Փաշինյանն ասում է, որ ընդդիմության ցույցերին քիչ մարդ է գնում, թող հիշի, թե որքան մարդ հավաքվեց այսպես կոչված «թավշյա հեղափոխության» ժամանակ: Երբ հանրությունը դուրս գա շոկային իրավիճակից, ավելի շատ մարդ փողոց դուրս կգա»,-եզրափակեց պատգամավորը: