Ոսկե ձուն, որ 1983-ին գանձեր որոնելու համար է պատրաստվել, աճուրդում վաճառվել է 37 200 ֆունտ սթեռլինգով, հայտնում է AP-ն:
Cadbury’s-ը 12 ոսկե ձու է պատվիրել իր Creme Egg Conundrum նախագծի շրջանակներում, որի մասնակիցները գտնում են հանելուկների պատասխանները, որոնք տանում են Բրիտանիայում 12 գաղտնի վայրեր, որտեղ ոսկե ձվերից մեկի համար հավաստագիր է թաղված:
Բայց մրցույթը ստիպված են եղել չեղարկել այն բողոքների պատճառով, որ մարդիկ ձվեր որոնելու համար մասնավոր հողեր են փորում:
22 կարատանոց ոսկուց պատրաստված ձուն, որը վաճառվել է Լինքոլնշիրի Batemans of Stamford աճուրդում, 12 ոսկե ձվերի մեծացված տարբերակն է: Այն կշռում է 323 գրամից մի փոքր ավելի ու ունի 8,3 սմ բարձրություն, եւ Cadbury's-ն այն պատվիրել է Garrard & Co. արքայական ոսկերիչների մոտ: