Բրազիլիայում մեկ օրվա ընթացքում առաջին անգամ ավելի քան 4000 մահվան դեպք է գրանցվել կորոնավիրուսից, հայտնում է BBC-ն:
Հիվանդանոցները գերբծանրաբեռնված են, մարդիկ մահանում են որոշ քաղաքներում բուժման սպասումով, իսկ շատ թաղամասերում առողջապահական համակարգը փլուզման եզրին է:
Երկրում մահացածների ընդհանուր թիվը այժմ գրեթե 337.000 է կազմում՝ զիջելով միայն ԱՄՆ-ի վիճակագրությանը:
Սակայն նախագահ Ժաիր Բոլոնարուն շարունակում է դեմ հանդես գալ համավարակի տեմպի զսպմանն ուղղված ցանկացած միջոցառոման: Նա պնդում է, որ կարանտինից տնտեսությանը հասցված վնասն ավելի վատ կլինի, քան բուն կորոնավիրուսի հետեւանքները:
Երեքշաբթի համակիրների առջեւ իր ելույթի ժամանակ նա քննադատել է կարանտինային միջոցառումները ՝ հայտարարելով, որ դրանք ճարպակալման, դեպրեսիայի եւ գործազրկության են հանգեցրել: Ընդ որում, նա չի մեկնաբանել վերջին 24 ժամվա ընթացքում գրացված 4195 մահվան դեպքը:
Առողջապահության նախարարության տվյալների համաձայն՝ մինչ օրս Բրազիլիան կորոնավիրուսով վարակման ավելի քան 13 միլիոն դեպք է գրանցել: Մարտին կորոնավիրուսից շուրջ 66 570 մարդ է մահավել, ինչը կրկնակի անգամ ավել է նախորդ ամսվա ռեկորդից:
