News
Լրահոս
News
Չորեքշաբթի
Դեկտեմբեր 01
Տեսնել լրահոսը

Ազգային ժողովում օգոստոսի 25-ին տեղի ունեցած ծեծկռտուքի հետ կապված ՀՔԾ-ն կարճել է «Հայաստան» խմբակցության պատգամավոր Գեղամ Մանուկյանի մասով հարուցված քրեական գործը:

Գեղամ Մանուկյանը NEWS.am-ի հետ զրույցում նշեց, որ երեկ են ՀՔԾ-ից իրեն հայտնել, որ գործը կարճվել է. «Չգիտեմ անգամ, թե ինչ հիմնավորմամբ են կարճել, որովհետեւ ինձ չէր հետաքրքրում այդ քրեական գործը: Ինձ հետաքրքրում էր մեկ բան, որ ՀՔԾ-ն երեք տարի շարունակ ծառայելով միայն Նիկոլ Փաշինյանին, հերթական անգամ խախտել էր օրենքը, եւ օգոստոսի 25-ին Նիկոլ Փաշինյանի կողմից կազմակերպած եւ սադրած զանգվածային խուլիգանության փաստով քրեական գործ չէր հարուցել եւ այդ դեպքով իրավական գնահատական չէր տվել:

Ես մեղադրել էի Նիկոլ Փաշինյանին, որ նա սադրել է ԱԺ-ում զանգվածային խուլիգանություն եւ դրդել քաղաքական մեծամասնությանը մասնակցել այդ խուլիգանությանը»,-ասաց նա:

Մանուկյանը նկատեց, որ տեղի է ունեցել զանգվածային խուլիգանություն եւ ՀՔԾ-ն, հանուն Նիկոլ Փաշինյանի, որպեսզի հետագա իրավական գործընթացներ տեղի չունենան, քրեական գործ չի հարուցել:

ՀՔԾ-ից մեզ հետ զրույցում հայտնեցին, որ գործը կարճվել հանցակազմի բացակայության հիմքով։

Հիշեցնենք, որ օգոստոսի 25-ին՝ Կառավարության ծրագրի քննարկուման ժամանակ վիճաբանություն տեղի ունեցավ պատգամավորների միջև։ «Հայաստան» խմբակցության պատգամավոր Վահե Հակոբյանի ելույթի ընթացքում իշխող պատգամավորները տեղից արձագանքեցին, որից հետո հրմշտոց սկսվեց պատգամավորների միջեւ։

«Քաղաքացիական պայմանագիր» խմբակցության պատգամավոր Վահագն Ալեքսանյանը տեղից իջավ և ոտքով հարվածեց Հակոբյանին, ապա ՔՊ–ից  նրան հարվածեցին նաեւ Հայկ Սարգսյանն ու Վահե Ղալումյանը։ Ընդ որում՝ կադրերից երեւում է, թե ինչպես է Վահե Ղալումյանը հետեւից հարվածում Հակոբյանին։ Ծեծկռտուքի ընթացքում վնասվածքներ են ստացել նաև ԱԺ փոխնախագահ Իշխան Սաղաթելյանը և «Հայաստան» խմբակցության պատգամավոր Գեղամ Նազարյանը։

ՀՔԾ-ն քրեական գործ է հարուցել միայն պատգամավոր Գեղամ Մանուկյանին ծեծելու դրվագով։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Լեսոտոյի նախկին վարչապետին մեղադրանք է առաջադրվել նախկին կնոջ սպանության համար
43-ամյա Մեզայա Թաբեյնը եւ 82-ամյա նախկին վարչապետը հերքել են սպանությանն իրենց առնչությունը․․․
Թմրամիջոցների իրացման դեպքեր են բացահայտվել. Մեքենայից գտել են տարբեր թմրամիջոցներ, դեղահաբեր, սպիտակ հեղուկով սրվակ
Ոստիկանության Նոր Նորքի բաժնի քրեական հետախուզության բաժանմունքի...
Զբոսայգու վագոն-տնակից գողություն արած տղամարդիկ հայտնաբերվեցին
Բազումի ոստիկանների բացահայտումը...
Սախարովի հրապարակում «Opel»-ը 53-ամյա կնոջ է վրաերթի ենթարկել
Վարորդը փախուստի չի դիմել, օգնել է վրաերթի ենթարկվածին տեղափոխվել թիվ 1 համալսարանական հիվանդանոց․․․
Սևքար գյուղի 18-ամյա բնակիչը համագյուղացու տնից գողություն էր արել
Իջևանի ոստիկանները բնակարանային գողության դեպք են բացահայտել...
Դանակահարությունը բացահայտվեց երեք ժամ անց. Բերման ենթարկվեցին երկու եղբայրները
Ոստիկանները նախ պարզեցին, թե դանակահարությունը որտեղ էր եղել, ապա հանցագործությունը թարմ հետքերով բացահայտելու նպատակով սկսեցին դեպքի...
Ամենաշատ