News
Լրահոս
News
Երկուշաբթի
Նոյեմբեր 29
Տեսնել լրահոսը

Ճիշտն ասած, իմ սպասելիքներն շատ ավելի մեծ էին, բայց վերջնական խոսքը ժողովրդին է պատկանում. Պետք է բավարարվենք ժողովրդի տվածով: Այս մասին NEWS.am-ի հետ զրույցում նշեց Տեղ համայնքի համայնքապետի ՔՊ թեկնածու Դավիթ Ղուլունցի օգնական Արամ Միրզոյանը:

Նշենք, որ նախօրեին կայացած ընտրություններում հաղթել է հենց Ղուլունցը՝ ստանալով 1530 ձայն:

Անդրադառնալով լրատվամիջոցների տեղեկություններին, ըստ որի Տեղ համայնքում ընտրություններին մարդկանց են բերել քվեարկության, ուղղորդել են, նրանց ձեռքին գումար է եղել, Արամ Միրզոյանն ասաց. «Ամբողջ անձնակազմի, այդքան մարդու համար խորոված, ուտելիք, հյութ են պատվիրել: Բնականաբար այդ մատուցված ծառայության համար իրեն փողը պետք է տալ: Խոսքն այդ դրվագի մասին է: Միգուցե ով ամենաշատն է կերել այդ քյաբաբից, կամ ամենաքիչն է կերել, նեղված է մնացել ու ինքն է նկարել, գցել մամուլ: Ինչ վերաբերում է տանել-բերելու, կոնկրետ ես եմ ամեն ինչ համակարգել: Շտաբի պետը ես եմ, բայց ես որեւէ մեկին չեմ հրահանգավորել, որ մեկին դնեն ավտոյի մեջ եւ ուղղորդեն: Օրինակ, իմ ծնողները ոտքով են եկել, ես էնտեղ չեմ եղել: Բոլորն էլ ավտո ունեն գյուղում: Ես չէի ասի, որ համակարգված տեղափոխություններ են եղել: Այդպիսի մարդ չի եղել, որ գնա մեկին ուղղորդի, ասի՝ կլինի՞ դու իմ ավտոն նստես, ես տանեմ ընտրության, որ էսինչ մարդուն ընտրես»:

Արամ Միրզոյանը տեղեկացրեց, որ Դավիթ Ղուլունցը արդեն կամաց-կամաց ապաքինվում է եւ շուտով կարող է դուրս գրվել հիվանդանոցից. «Ահավոր մրսած է եղել»:

Անդրադառնալով հետընտրական իրավիճակին, նա ասաց. «Ընտրությունների օրվա երեկոյան, երբ ավարտեցինք, շամպայնը իմ ձեռքով բերել եմ, էնտեղ ընդդիմադիր ներկայացուցիչներ էլ են եղել: Ասել եմ՝ ժողովուրդ, վաղվանից մենք նորից նույնն գյուղում պետք է ապրենք, մեկս մյուսի թաղմանը գնանք, դագաղից բռնենք, հիվանդությանը կողքին լինենք, միմյանց մեջքին կանգնենք: Ինձ համար ես մի թշնամի ունեմ, դա թուրքն է: Մենք պատրաստ ենք համագործակցել բոլորի հետ, քննարկել առաջարկները եւ ընդունել: Թեկուզ կադրային հարցում, եթե խելոք մարդ ունեն իրենց թիմում, մենք ոչ մի խնդիր չունենք, ուրախ կլինենք»:

Տպել
Կարդացեք նաև
Ամբողջը
Ահազանգեր ենք ստանում անմարդկային հետապնդումների, որոշ պաշտոնյաների կողմից բիրտ ահաբեկումների մասին․ Վանաձորի քաղաքապետ
Հայցում եմ այն մարդկանց,կոլեկտիվների ներողամտությունը,ում չեմ այցելում,հանդիպումներ չեմ ունենում։ Ինձ ճանաչողները գոնե գիտեն իմ...
Թեկնածուները դադարեցնում են քարոզարշավը
Դեկտեմբերի 5-ին կայանալիք ՏԻՄ ընտրությունների մասնակից քաղաքական ուժերից մի քանիսի ընտրացուցակը...
«Մենք լուրջ ուժ ենք». Ախուրյանում ՔՊ–ն փորձում է «Իկիլիկյան» դաշինքին շարքից հանել
Վարչական դատարանը վարույթ է ընդունել հայցադիմումը. այսօր՝ նոյեմբերի 15–ին, ժամը 16։00–ին, նշանակված է նիստը...
«Դավիթ Համբարձումյան» դաշինքն առաջարկում է բանավեճ կազմակերպել Մասիսի համայնքի ղեկավարի թեկնածուների միջև
Նշենք, որ Մասիսի գործող համայնքապետը Դավիթ Համբարձումյանն է…
Կապանից ու մի քանի այլ համայնքներից ընտրական հանցագործության մասին ահազանգեր չեն եղել. Գոռ Աբրահամյան
Տավուշի մարզի Իջևան համայնքում կայացած ՏԻՄ ընտրությունների առնչությամբ ստացվել է ընդամենը մեկ ահազանգ՝ առերևույթ...
ԿԸՀ-ն հրապարակել է ՏԻՄ ընտրությունների նախնական արդյունքները
«Քաղաքացիական պայմանագիր» կուսակցության օգտին քվեարկել է...