![](img/news/80/21/31/default.jpg)
Ստամբուլի հանրահայտ Այա Սոֆիայի մզկիթի (Սուրբ Սոֆիայի տաճար) այցելությունները օտարերկրյա զբոսաշրջիկների համար այսուհետ վճարովի են՝ մուտքը 25 եվրո։ Նոր կանոնները գործում են երկուշաբթի օրվանից։
Տաճար մուտքը տուրիստների համար կազմակերպվում է հարավային ճեմասրահից՝ այցելելու համար պատկերասրահի, բյուզանդական խճանկարի հարկը։ Այցելուների համար մշակվել է բջջային աուդիոուղեկցող 23 լեզուներով։ Ցանկության դեպքում նրանք կարող են ստանալ ականջակալներ եւ ինքնուրույն շրջել տաճարով։
Թուրքիայի քաղաքացիների համար, որոնք այստեղ կգան աղոթելու համար, մուտքն անվճար է։ Տուրիզմի նախարարության հայտարարության համաձայն՝ մզկիթ այցելության նոր կանոնները թույլ կտան վերացնել հերթերը, ինչպես նաեւ պլանաչափ իրականացնել դրա վերականգնման մասշտաբային աշխատանքները։
Թուրքիայի նախագահ Ռեջեփ Թայիփ Էրդողանը 2020թ. հուլիսին ստորագրել էր հրամանագիր, որի համաձայն՝ Սուրբ Սոֆիայի տաճարը դարձել է մզկիթ, այստեղ վերականգնվել են կրոնական արարողությունները։ Այդ ժամանակ էլ այցելությունը դարձել էր անվճար։