News
Լրահոս
News
Ուրբաթ
Ապրիլ 19
Տեսնել լրահոսը

Հայաստանը, Ադրբեջանը և Վրաստանը կարող են պաշտպանել հաղորդակցության անվտանգությունն իրենց տարածքներում։ Այս մասին Անթալիայում կայացած Դիվանագիտական ​​համաժողովում ասել է Հայաստանի Ազգային ժողովի փոխնախագահ Ռուբեն Ռուբինյանը։

«Հայաստանի անունից կարող եմ ասել, որ երկրի Ազգային անվտանգության ծառայության կազմում ունենք վերջերս ստեղծված ստորաբաժանում։ Այսպիսով, մենք ուժեղացրել ենք Հայաստանով անցնող հաղորդակցությունների անվտանգության հարցը։ Այս թեման նույնիսկ չարժե քննարկել»,- նշեց նա։

Ռուբինյանը նաև հայտարարեց, որ Հայաստանում «Զագեզուր» կոչվող տարածքային միավոր չկա, կա Սյունիքի մարզ, Մեղրի քաղաք և այլ քաղաքներ, և Հայաստանը երբեք չի համաձայնել Ադրբեջանին արտատարածքային միջանցք տրամադրել։

«Հայաստանի դիրքորոշումը տարածաշրջանում հաղորդակցությունների ապաշրջափակման հարցում արտահայտված է «Խաղաղության խաչմերուկ» նախագծում։ Մենք ցանկանում ենք ապաշրջափակել հաղորդակցությունները՝ հիմնված ինքնիշխանության, օրենսդրության, տարածքային ամբողջականության, իրավահավասարության և փոխադարձության սկզբունքների վրա»,- ասաց նա։

Ադրբեջանի նախագահի խորհրդական Հիքմեթ Հաջիևը հայտարարել է «միջանցք» տրամադրելու անհրաժեշտության մասին՝ ասելով, որ Նախիջևանը իբր շրջափակման մեջ է, և Թուրքիայի օգնությունն այնտեղ կարևոր է։ «Ադրբեջանը ցանկանում է ավելի հեշտ մուտք գործել դեպի Նախիջևան: Մենք քննարկել ենք ԵՄ-ի ներսում տարբեր մոդելներ, այդ թվում՝ կալինինգրադյանը, այդ պարամետրերը կարող են օգտագործվել։ Նոյեմբերի 9-ի եռակողմ հայտարարության համաձայն՝ Հայաստանը պետք է ապահովեր այդ մուտքը, հիմա հարցը Հայաստանի դաշտում է»,- ասել է Հաջիևը։

Ի պատասխան Ռուբեն Ռուբինյանն ասաց, որ Հայաստանն իր նախաձեռնությունն անվանել է «Խաղաղության խաչմերուկ», քանի որ խաղաղություն է ուզում։ Սակայն, ըստ նրա, Բաքուն շարունակում է օգտագործել, այսպես կոչված, «Զանգեզուրի միջանցք»-ը, իսկ Հայաստանը երբեք չի համաձայնել Ադրբեջանին արտատարածքային միջանցք տրամադրել։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱԶԲ ներկայացուցիչների հետ քննարկվել են Հյուսիս-հարավի՝ հարավային հատվածում նախատեսվող ծրագրերը
«Ճանապարհային դեպարտամենտ» հիմնադրամում ապրիլի 16-ին տեղի է ունեցել...
Դեսպանը Հայաստանն անվանել է «Իրանի շնչուղին դեպի հյուսիս»
Դեսպանը պարզաբանեց, որ Իրանը Հայաստանը դիտարկում է ոչ միայն որպես երեք միլիոնանոց շուկա, այլև որպես հարթակ...
Իրանի դեսպանի հետ քննարկվել է տարանցիկ բեռնափոխադրումների համար ճանապարհային հարկերը զրոյացնելու հարցը
Փոխնախարարը շնորհակալություն է հայտնել երկկողմ արդյունավետ համագործակցության համար…
Լարսը մինչև ապրիլի 19–ը ցերեկային ժամերին փակ կլինի բեռնատարների համար
Սահմանափակումները կգործեն մինչև ապրիլի 19-ը: Մնացած տրանսպորտային միջոցների համար երթևեկությունը կշարունակի իրականացվել անխափան...
Քննարկվել են Հյուսիս-հարավի Տրանշ-4-ի Սիսիան-Քաջարան հատվածի կառուցման ծրագրի մանրամասները
ԵՆԲ ներկայացուցիչների հետ քննարկվել է նաև Ասիական զարգացման բանկի...
ԱՄՆ-ն ու ԵՄ-ն ուզում են, որ ռուսական բազաները այստեղից հանվեն, եւ հետո բացվի «միջին միջանցք» կոչվածը. քաղաքագետ
Արեւմուտքը մեզ գումար չի տվել, միայն խոստացել է, իսկ խոստումը դեռ ոչինչ չի...
Ամենաշատ