«Յանդեքս» ընկերությունը հոկտեմբերի 1-ին սեփական բրաուզերի տարբերակն է ներկայացրել:  Ծրագիրը կարելի է  բեռնել հոկտեմբերի 1-ին, ժամը 17.00-ից  browser.yandex.ru կայքում: Բրաուզերը ներկայացվել է Մոսկվայում բացված YaC-ի տեխնոլոգիական կոնֆերանսում:

Նորույթը  խիստ նեգրավված է ռուսական ընկերությունների համացանցային ծառայություններին: «Յանդեքս բրաուզերը» օգտվողներին կարող է տրամադրել պատրաստի պատասխանների հուշումներ` օգնելով արագացնել օգտակար տեղեկատվության որոնումը:  Ինչպես ժամանակակից այլ բրաուզերներում, ծրագրի հասցեի տողում կարելի է գրել ինչպես  կայքերի հասցեներ, այնպես էլ որոնողական  հարցումներ:

Կարելի է հեշտորեն անցում կատարել Google-ին, Mail.Ru-ին կամ Bing-ին: Վնասաբեր կայքերից կօգնեն պաշտպանվել «Յանդեքսի» եւ  «Կասպերսկու լաբորատորիայի» ներդրած հակավիրուսային տեխնոլոգիաները, հաղորդում է  «vesti.ru»-ն:

«Յանդեքսի» բաուզերը օգտագործում է նույն պլատֆորմը, ինչ որ  Google-ի Chrome-ը` Сhromium նախագիծը բաց  կոդով, որը հիմնված է WebKit-ի վրա:  Սակայն կիրառվում են նաեւ այլ  գործառույթներ, հատկապես`Opera Software-ից: Ծրագրում  ներդրված է  Adobe Flash, ինչպես նաեւ  pdf-ֆայլերի  դիտարկիչ: Ծրագիրն աշխատում է Windows-ի եւ Mac OS X-ի հետ: Նոր տարբերակները կթողարկվեն մի քանի շաբաթը մեկ: