նախընտրելի դարձնելՀոկտեմբերի 14-ին, ժամը 19.00-ի սահմաններում, «ՎԱԶ-2102» մակնիշի ավտոմեքենան Գորիս-Երեւան ճանապարհի 13-րդ կմ-ին բախվել է ճամփեզրի բետոնե արգելապատնեշին եւ շրջվել:
Վարորդը մարմնական վնասվածքներով տեղափոխվել է հիվանդանոց:
Ոստիկանության լրատվության վարչությունից հայտնում են, թե հոկտեմբերի 14-ին, ժամը 20.00-ին, «ԲՄՎ-525» մակնիշի ավտոմեքենան Երեւան-Երասխ ճանապարհի 28-րդ կմ-ին բախվել է «BYD» մակնիշի ավտոմեքենայի: «BYD»-ի ուղեւորուհին մարմնական վնասվածքով տեղափոխվել է հիվանդանոց:
Հոկտեմբերի 14-ին, ժամը 21.30-ին, Դավիթ Բեկի փողոցում իրար են բախվել «ԵրԱԶ» եւ «ԳԱԶ-31029» մակնիշի ավտոմեքենաներ: «ԳԱԶ-31029»-ի վարորդը եւ ուղեւորը մարմնական վնասվածքներով տեղափոխվել են հիվանդանոց:
Հոկտեմբերի 14-ին, ժամը 22.00-ին, «ՎԱԶ-21011» մակնիշի ավտոմեքենան Երեւան-Երասխ ճանապարհի 13-րդ կմ-ին բախվել է «Օպել Վեկտրա Բ»-ի, որն էլ՝ «ԳԱԶ-24»-ի:
«ՎԱԶ-21011»-ի 3 ուղեւորները մարմնական վնասվածքներով տեղափոխվել են հիվանդանոց:
Հոկտեմբերի 14-ին, ժամը 22.00-ի սահմաններում, Ստեփանավան-Վանաձոր ճանապարհի 10-րդ կմ-ին «ՈւԱԶ-3303» մակնիշի ավտոմեքենա է բախվել «ՎԱԶ-2109»-ի: «ՎԱԶ-2109»-ի վարորդը եւ ուղեւորը մարմնական վնասվածքներով տեղափոխվել են հիվանդանոց:
Բոլոր դեպքերով կատարվում է քննություն:
