Նոյեմբերի 25-ին, ժամը 12.35-ին, Բագրատաշեն գյուղի մի բնակչուհուց ոստիկանության Նոյեմբերյանի բաժնում ահազանգ է ստացվել, որ Դեբեդ գետին հարակից թաղամասի տնակներից մեկում հրդեհ է բռնկվել եւ ներսում մարդ կա: 

Ոստիկանության լրատվության վարչությունից հայտնում են, թե մեկնած օպերատիվ խումբը նշված տնակում հայտնաբերել է Կորյուն  Թադեւոսյանի   կիսաայրված դիակը:

Արտաքին զննությամբ դիակի վրա բռնության հետքեր չեն հայտնաբերվել:

Նշանակվել է դատաբժշկական փորձաքննություն:

Կատարվում է նախաքննություն: