Փետրվարի 5-ին, ժամը 00.55-ին տեղեկություն է ստացվել, որ Երեւանի «Նաիրի» բժշկական կենտրոնի մոտ տեղի է ունեցել ավտովթար, անհրաժեշտ է փրկարարների օգնությունը:

Հայաստանի ԱԻՆ փրկարար ծառայությունից NEWS.am-ին հայտնում են, որ դեպքի վայր է մեկնել մեկ մարտական հաշվարկ եւ հատուկ փրկարարական ջոկատի հերթապահ խումբը:

Դեռեւս չբացահայտված հանգամանքներում «Մերսեդես» մակնիշի 08 ՏԼ 099 համարանիշի ավտոմեքենան դուրս է եկել ճանապարհի երթեւեկելի մասից եւ գլորվել Հրազդանի կիրճը:

Մինչ հրշեջ-փրկարարների ժամանումը վարորդ` Դ. Մարգարյանին, ուղեւորներ` Ն. Բադալյանին, Հ. Եսայանին, Ա. Եսայանին եւ Ն. Մարգարյանին տեղի ուժերով դուրս են բերել ավտոմեքենայից: Վերջիններիս շտապօգնության ծառայության աշխատակիցները տեղում ցուցաբերել են համապատասխան բուժօգնություն:

Փրկարարները հոսանքազրկել են ավտոմեքենան: