Փետրվարի 19-ի առավոտյան հզոր պայթյունների շարք է որոտացել Ինգուշիայի մայրաքաղաք Նազրանում։

Իրավապահ մարմինների աշխատակիցներն ահազանգ են ստացել, որ քաղաքի լքված տներից մեկում ինքնաշեն պայթուցիկ սարք կա։

Սարքը սկսել է գործել ականազերծման պահին։ Իրավապահ մարմինների աշխատակիցների տվյալներով, գրոհայինները ոստիկանների համար ծուղակ էին պատրաստել։

Դեպքի հետեւանքով զոհվել է երկու, վիրավորվել 28 մարդ։

Տուժածների մեջ կան ինչպես ոստիկանության աշխատակիցներ, այնպես էլ տեղի բնակիչներ։