Նախընտրելի
Վերջին մեկ օրում Հայաստանում մի շարք պատահարներ են գրանցվել: Օգոստոսի 5-ին, ժամը 04.30-ի սահմաններում, Երեւանի Նոր Արեշի 26-րդ փողոցի թիվ 40 հասցեի դիմաց «Ֆորդ» մակնիշի ավտոմեքենա է բախվել ճամփեզրի սալիկներին, ինչի հետեւանքով վարորդը եւ ուղեւորը մարմնական վնասվածքներով տեղափոխվել են հիվանդանոց:
Ոստիկանության լրատվության վարչությունից հայտնում են, թե օգոստոսի 5-ին, ժամը 09.40-ի սահմաններում, Վանաձորի Նարեկացի փողոցի սկզբնամասում իրար են բախվել «Մերսեդես-Բենց» եւ «ԳԱԶ-31029» մակնիշի ավտոմեքենաներ, ինչի հետեւանքով «Մերսեդես-Բենց»-ի վարորդը մարմնական վնասվածքներով տեղափոխվել է հիվանդանոց:
Օգոստոսի 5-ին, ժամը 17.40-ին, Երեւանի Բաբաջանյան փողոցից դեպի Ծովակալ Իսակովի պողոտա տանող կամրջի վրա «ԲՄՎ» մակնիշի ավտոմեքենա է դուրս եկել ճանապարհի երթեւեկելի մասից, բախվել ճանապարհի թիթեղյա արգելապատնեշներին, այնուհետեւ էլեկտրասյանը, ինչի հետեւանքով վարորդը եւ 2 ուղեւորները մարմնական վնասվածքներով տեղափոխվել են հիվանդանոց:
Օգոստոսի 5-ին, ժամը 21.00-ի սահմաններում, Էջմիածին-Աշտարակ ճանապարհի 4-րդ կմ-ին «Լեքսուզ» մակնիշի ավտոմեքենա է դուրս եկել ճանապարհի երթեւեկելի գոտուց եւ ընկել դաշտը, ինչի հետեւանքով ուղեւորը մարմնական վնասվածքներով տեղափոխվել է հիվանդանոց:
Օգոստոսի 5-ին, ժամը 21.00-ին, Երեւանի Հաղթանակ կամրջի եւ Արգիշտիի փողոցի խաչմերուկում իրար են բախվել շտապօգնության «Ֆորդ» եւ «ՎԱԶ-21150» մակնիշի ավտոմեքենաներ:
Պատահարի հետեւանքով «ՎԱԶ-21150»-ի վարորդը եւ «Ֆորդ»-ի 3 ուղեւորները մարմնական վնասվածքներով տեղափոխվել են հիվանդանոց:
Օգոստոսի 5-ին, ժամը 21.30-ին, Երեւանի Մաշտոցի պողոտայի եւ Ամիրյան փողոցի խաչմերուկում իրար են բախվել հեծանվորդ եւ շտապօգնության «Ֆորդ Տրանզիտ» մակնիշի ավտոմեքենա, ինչի հետեւանքով հեծանվորդը մարմնական վնասվածքներով տեղափոխվել է հիվանդանոց:
Բոլոր դեպքերով կատարվում է քննություն:
