Ըստ Հայաստանի ոստիկանության օպերատիվ հաղորդագրությունների ամփոփագրերի` օգոստոսի 12-ից  16-ն ընկած ժամանակահատվածում հանրապետությունում արձանագրվել է սպանության 1 դեպք:

Ոստիկանության լրատվության վարչությունից հայտնում են, թե արձանագրված մարմնական վնասվածք հասցնելու 49 դեպքից բացահայտվել է 43-ը, գողության 61 դեպքից` 33-ը, կողոպուտի 2 դեպքից` 1-ը, իսկ ավազակային հարձակման` 1,  խարդախության`   21 եւ  խուլիգանության 6 դեպքերն էլ բացահայտվել են:   

Նախկինում կատարված հանցագործություններից բացահայտվել է գողության` 4, խարդախության` 1 եւ մարմնական վնասվածք հասցնելու  3   դեպք:

Անցած 4 օրերի ընթացքում հանրապետությունում արձանագրվել է ճանապարհատրանսպորտային 31 պատահար. 5 մարդ զոհվել է, 33-ը` ստացել տարբեր աստիճանի մարմնական վնասվածքներ: