Արաքս-Սարդարապատ ճանապարհի 2-րդ կմ-ին օգոստոսի 19-ին, ժամը 00.10-ի սահմաններում,  «Օպել Վեկտրա»  մակնիշի ավտոմեքենա է շրջվել, ինչի հետեւանքով վարորդը եւ 5 ուղեւորները  մարմնական վնասվածքներով տեղափոխվել են հիվանդանոց:

Ոստիկանության լրատվության վարչությունից հայտնում են, թե օգոստոսի 19-ին, ժամը 16.30-ի սահմաններում, Երեւանի Մյասնիկյան պողոտայում «Մերսեդես-Բենց» մակնիշի ավտոմեքենա է դուրս եկել երթեւեկելի մասից եւ բախվել ծառի, ինչի հետեւանքով ուղեւորը մարմնական վնասվածքներով տեղափոխվել է հիվանդանոց:

Օգոստոսի 19-ին, ժամը 19.00-ի սահմաններում, Երեւանի Գարեգին Նժդեհի փողոցի թիվ 35 շենքի մոտ  «Դեու» մակնիշի ավտոմեքենա է բախվել   «Ռաֆ»  մակնիշի ավտոմեքենայի:

«Ռաֆ»-ի վարորդը  մարմնական վնասվածքներով տեղափոխվել է հիվանդանոց:

Օգոստոսի 20-ին, ժամը 00.30-ի սահմաններում, Երեւանի Ադոնցի եւ Գրիբոյեդովի փողոցների խաչմերուկում «ՎԱԶ-21134»  մակնիշի ավտոմեքենա է  բախվել  մայթեզրին, ինչի  հետեւանքով ուղեւորը  մարմնական վնասվածքներով տեղափոխվել է հիվանդանոց:

Բոլոր դեպքերով կատարվում է քննություն: