նախընտրելի դարձնել
Դոնի Ռոստովում տրակտորավարը փրկել է այրվող բնակարանի բնակչուհուն եւ նրա երեխային, հայտնում է Lenta.ru-ն՝ վկայակոչելով Yuga.ru-ն։
Դեպքը կատարվել է դկտեմբերի 12-ին, սակայն լրատվամիջոցներին միայն հիմա է այդ մասին հայտնի դարձել։ Հրդեհ է սկսվել 339-րդ հրաձգային դիվիզիայի փողոցի շենքերից մեկում։ Տան բնակչուհին կրակից փրկվելու համար երեխայի հետ պատշգամբ է դուրս եկել։
Մինչեւ փրկարարների դեպքի վայր ժամանելը հրդեհը նկատել է տրակտորիստների բրիգադը, որն աշխատում էր տան հարեւանությամբ: Տրակտորիստներից մեկը` Ալեքսանդր Պոպովը, կոտրել է պատշգամբի ճաղերը եւ տրակտորի կովշի օգնությամբ ցած իջեցրել կնոջն ու երեխային:
Փրկարարական գործողությանը մասնակցել են նաեւ Պոպովի գործընկերները եւ հարեւանությամբ գտնվող սրճարանի տնօրենը, նշում է կայքը: Չի ճշտվում, թե որ հարկում էր գտնվում բնակարանը: Ռոստովի մարզի ԱԻՆ-ի վարչությունը դիտարկում է Պոպովին պարգեւատրելու հնարավորությունը` երկու մարդու կյանք փրկելու համար:
