նախընտրելի դարձնելԱդրբեջանական կողմը անպատիժ չի մնա: Այս մասին NEWS.am-ի թղթակցի հետ զրույցում ասաց Պաշտպանության նախարարի մամուլի քարտուղար Արծրուն Հովհաննիսյանը:
«Իրավիճակը սահմանագծին թելադրում է հայ զինվորը, գիշերվա իրադարձությունները ցույց տվեցին, որ իրենք հերթական անգամ ձախողվել են եւ չնայած դրան՝ իրենց հանդգնության համար նորից պատժվելու են»,- ասաց մամուլի քարտուղարը:
Ավելի վաղ NEWS.am-ը հայտնել էր, որ հունվարի 19-ի լույս 20-ի գիշերը, ժամը 23:50-ից մինչեւ 00:15-ի սահմաններում, ղարաբաղա-ադրբեջանական զորքերի շփման գծի հյուսիսարեւելյան (Ջրաբերդ) եւ հարավարեւելյան (Կորգան) ուղղություններում՝ արձանագրվել են ադրբեջանական կողմի դիվերսիոն խմբերի ներթափանցման միաժամանակյա փորձեր. մարտական դիրքում իր առջեւ դրված մարտական խնդիրը կատարելու ժամանակ զոհվել էր կրտսեր սերժանտ Արմեն Լեւոնի Հովհաննիսյանը։
