Ռուսաստանի Վորոնեժի մարզի հարավային Դերեզովկա գյուղերից մեկում  երկու եւ վեց տարեկան երկու աղջնակների դիակ են հայտնաբերել,  իսկ նրանց 25-ամյա մորը գտել են կախված վիճակում: Կնոջ կողքին մահից առաջ գրված նամակ է եղել:

Նախնական տվյալով՝ 2007 եւ 2011թթ. ծնված աղջիկներին դանակահարել են: Տունը շրջափակված է, տեղում աշխատում է օպերատիվ քննչական խումբը: Հարուցվել է քրեական գործ՝ «սպանություն» հոդվածով:

Ընտանիքը, որտեղ կատարվել է ողբերգությունը, ապահովված էր համարվում: Կինն աշխատում էր տեղի գյուղատնտեսական հիմնարկում, երեխաները միշտ խնամված տեսք  ունեին, նրանց ծնողների մասին դրական էին արտահայտվում, գրում է  UgNovosti.ru-ն:

Դեպքի պատճառները եւ հանգամանքները կպարզի հետաքննությունը: