նախընտրելի դարձնելՄոսկվայի քրեական հետախուզության աշխատակիցները կանխել են երկու ազդեցիկ «օրենքով գողերի» ՝ 64-ամյա Վիկտոր Ռիժենկովի՝ («Պետրովիչ Կազախստանսկի») եւ 54-ամյա Օթարի Տոտոչիայի հանդիպումը, որը քրեական միջավայրում առավել հայտնի է Բատյա անունով, հայտնում է «Փրայմ Քրայմը»:
Խուզարկության ժամանակ Ռիժենկովի մոտից առգրավվել է 7 գրամ հերոին, իսկ Տոտոչիայի մոտ կեղծ անձնագիր՝ Վլադիմիր Գրեբենշչիկովի անունով:
Գործակալության տվյալով՝ ձերբակալված «օրենքով գողերը» «հին գվարդիայից» են եւ տիտղոսը առաջին տասնամյակը չէ, որ կրում են: Չնայած հիվանդություններին եւ պատկառելի տարիքին, երկու վետերաններն էլ գողական միջավայրում առանձնանում են բարձր ակտիվությամբ՝ մշտապես հայտնվելով իրավապահների տեսադաշտում:
Պետրովիչը վերջին անգամ քրեական պատասխանատվության ենթարկվել էր 2010թ.՝ թմրանյութեր պահելու համար, սակայն պայմանական ժամկետ էր ստացել: Դրանից մեկ տարի առաջ էլ Տոտոչիան էր համանման հոդվածով երկու տարվա ազատազրկման դատապարտվել:
