նախընտրելի դարձնելՌուսաստանում ոստիկանը կրակել է Տաջիկստանի քաղաքացուն, որը Մոսկվայի կենտրոնում ձերբակալությունից հետո փախուստի փորձ էր կատարել:
Հաղորդվում է, որ Տաջիկստանի քաղաքացուն դատախազություն էին տարել ավելի վաղ հարուցված քրեական գործի հարցով անհրաժեշտ միջոցառումներ անցկացնելու նպատակով:
Շենքից դուրս գալիս տղամարդը հրել է ուղեկցող ոստիկանին եւ վազել դեպի բուլվար: Ոստիկանը հետապնդել է ու զգուշացրել, որ զենք կկիրառի:
Վերջինս արհամարհել է նախազգուշացումը, եւ իրավապահը երեք անգամ օդ է կրակել: Սակայն դա եւս չի կանգնեցրել փախստականին, ինչից հետո ոստիկանը կրակել է նրա ազդրին, գրում է ԻՏԱՌ-ՏԱՍՍ-ը:
Մոսկվայի ՆԳՆ ԳՎ-ում հավաստիացրել են, որ կրակոցն արձակվել է միայն այն բանից հետո, երբ ոստիկանը համոզվել է, որ շրջապատողներին չի վնասի: Հայտնել են նաեւ, որ վիրավորը հիվանդանոցում է:
