Անգլիայի եւ Ուելսի շատ շրջաններում վտանգի չորս բալանոց սանդղակի երրորդ՝ «նարնջագույն» աստիճան է հայտարարվել՝ հորդառատ անձրեւների հետ կապված։

Շրջակա միջավայրի պաշտպանության գործակալությունը հայտնում է, որ Թագավորության 450-ից ավելի շրջաններում ջրհեղեղի սպառնալիք է հայտարարված։

Ըստ մասնագետների՝ մի շարք շրջաններում  քամու արագությունը գերազանցում է 110 կմ/ժ-ը։ Փոթորիկն  առանց էլեկտրականության է թողել հազարավոր տներ, հայտնում է ԻՏԱՌ-ՏԱՍՍ-ը։

Վարչապետ Դեյվիդ Քեմերոնը եղել է աղետյալ գոտում եւ եւ շփվել  ամենից շատ տուժած Սոմերսեթ կոմսության բնակիչների հետ։ Վարչապետը խոստացել է անել իրենից կախված  ամեն ինչ՝ իրավիճակի կարգավորման եւ աղետի հետեւանքները վերացնելու համար։

Հաշվի առնելով իրավիճակի լրջությունը՝ բրիտանական կառավարությունը ջրհեղեղի դեմ պայքարի համար ներգրավել է բանակը։ Զրահապատ մեքենաներով զինվորականներրը մթերք են մատակարարում տուժած շրջանների բնակիչներին եւ անհրաժեշտության դեպքում տարհանում նրանց։  Ըստ օդերեւութաբանների՝  Մեծ Բրիտանիայում անձրեւներն ու փոթորիկները չեն դադարի մինչեւ կիրակի։