նախընտրելի դարձնելGoogle-ը շուկայական կապիտալի առումով ամենախոշոր ձեռնարկությունների ցանկում փոխարինել է նավթային ExxonMobil ընկերությանը՝ զբաղեցնելով երկրորդ տեղը, հայտնում է Agence France-Presse-ը: Ցանկում Google-ը երկրորդ տեղում է հայտնվել իր պատմության մեջ առաջին անգամ:
ԱՄՆ-ի բորսաներում երկուշաբթի օրը՝ փետրվարի 10-ին, Google-ի շուկայական կապիտալը կազմել է 394 մլրդ դոլար, իսկ ExxonMobil-ինը՝ 388 մլրդ դոլար:
Երկու ընկերությունների բորսայական գնահատումները փետրվարի 10-ին նվազել են, սակայն ExxonMobil-ը Google-ից ավելի է էժանացել, հայտնում է lenta.ru-ն:
Աշխարհի ամենաթանկարժեք ընկերությունների ցանկը գլխավորում է Apple-ը, որի շուկայական կապիտալը, փետրվարի 10-ի դրությամբ, 472 մլրդ դոլար է կազմել:
Apple-ը աշխարհի ամենաթանկարժեք ընկերություն էր դարձել 2011թ.՝ կոչումը խլելով ExxonMobil-ից:
Հետագա տարիներին ExxonMobil-ը մի քանի անգամ առաջ էր անցել Apple-ից, սակայն iPhone-ի արտադրողին հաջողվել էր իրեն վերադարձնել աշխարհի ամենաթանկարժեք ընկերության կոչումը:
