նախընտրելի դարձնելԴանիայի Վիդեբեկ քաղաքի Jyllands կենդանաբանական այգու աշխատակիցները մտադիր են քնեցնել եւս մեկ ընձուղտի` Մարիուս անունով:
Հաղորդվում է, որ միանգամայն առողջ յոթ տարեկան Մարիուսը խառնուրդ է, եւ այդ պատճառով էլ սերունդ չի կարող տալ, հայտնում է gazeta.ru-ն` վկայակոչելով The Guardian-ը:
Ըստ Կենդաներիների բազմացման եվրոպական ծրագրի` եթե կենդանաբանական այգում հայտնվի էգ ընձուղտ, ապա Մարիուսին կքնեցնեն:
Վիդեբեկի կենդանաբանական այգում նշել են, որ տեղի կենդանաբանները զորակցում են Կոպենհագենի իրենց գործընկերներին, որտեղ քնեցվել եւ գիշատիչների կերակուր էր դարձել մեկուկես տարեկան մեկ այլ Մարիուս ընձուղտը:
Հիշեցնենք, որ փետրվարի 9-ին Կոպենհագենի կենդանաբանական այգում քնեցվել էր մեկուկես տարեկան առողջ Մարիուս ընձուղտը: Կենդանին խառնարյուն էր: Նման սերունդն արգելված է:
Նման միջոցին դեմ էին արտահայտվել եվրոպական բազմաթիվ լրատվամիջոցներ եւ կենդանիների պաշտպանության կազմակերպություններ: 27 հազար մարդ Մարիուսի պաշտպանության ստորագրահավաք էին կազմակերպել, սակայն կենդանաբանական այգու հասցեին ուղղված սպառնալիքները չէին փրկել ընձուղտին:
