նախընտրելի դարձնելԱդրբեջանում մտադիր են արտամուսնական երեխաների համար տուգանք սահմանել:
«ՄԻՐ» հեռուստաալիքը վկայակոչելով՝ haqqin.az-ը հայտնում է, որ Ադրբեջանում վերջին 2 տարում արտամուսնական 25 հազար երեխա է ծնվել: Հոր ազգանունը նրանց չեն տալիս, միայնակ մայրերը չեն կարողանում ալիմենտ պահանջել: Խնդիրն այնքան աղետալի է դարձել, որ այն պատրաստվում են լուծել պատգամավորները:
«Մեր նպատակն է Ընտանեկան օրենսգրքի նոր մեխանիզմ մշակելը: Պատասխանատվության ենթարկել ոչ պաշտոնական ամուսնությամբ ապրող ծնողներին: Նրանց երեխաները չպետք է բախտի քմահաճույքին մնան՝ առանց հոր ազգանվան եւ նյութական օգնության: Երեխաները ոչ մի բանում մեղավոր չեն», — ասել է Ադրբեջանի Միլի մեջլիսի պատգամավոր Ֆազայիլ Աղամալին:
Ըստ Արբեջանի նոր Ընտանեկան օրենսգրքի` արտամուսնական կապից ծնված երեխաների ծնողներին կպարտավորեցնեն պատասխանատվություն կրել իրենց երեխաների համար: Օրենքը խախտողները վարչական պատյժի կենթարկվեն, նրանց կուղարկեն հարկադիր աշխատանքների, անգամ գույքը կբռնագրավեն:
Ընտանեկան օրենսգրքում փոփոխությունները մշակելու են ոչ միայն պատգամավորները: Խմբում կընդգրկվեն սոցիոլոգներ եւ հոգեբաններ:
