Ադրբեջանում 32-ամյա փեսացուն մահացել է սեփական հարսանիքի ժամանակ:

Ինչպես հաղորդում է «haqqin.az»-ը, միջադեպը տեղի է ունեցել Ադրբեջանի Ագջաբեդինյան շրջանի Խինդարխ գյուղում: Ոստիկանության շրջանային վարչության տվյալներով՝ արարողության ժամանակ կտրուկ վատացել է 32-ամյա փեսացու Նիամեդին Մամեդովի վիճակը: Դեպքի վայր է ժամանել շտապօգնության խումբ, սակայն տղամարդը հիվանդանոցի ճանապարհին վախճանվել է:

Նախնական տվյալներով՝ մահվան պատճառը սրտի նոպան է եղել. փաստի առթիվ հետաքննություն է սկսվել: