նախընտրելի դարձնելԱՄՆ-ի պետքարտուղար Ջոն Քերրին կարծում է, որ Իրաքի Քրդստանն անկախ պետություն ճանաչելու ժամանակը դեռ չի եկել։
«Ոչ, հիմա ժամանակը չէ։ Ժամանակը չէ շատ պատճառներով», - ուրբաթ PBS հեռուստաալիքի հետ զրույցում ասել է նա եւ հստակեցրել, որ «հարկավոր է խնդիրները մեկառմեկ լուծել»։
«Ես կարծում եմ առաջնորդ (Իրաքի Քրդստանի) Բարզանին դա հասկանում է, նա օգնել է Բաղդադում նոր կառավարության ձեւավորմանը, քրդերը մասնակցել են դրան։
Նրանք հասկանում են, որ կարեւոր է լինել միասնական եւ համախմբված ԻՊ-ի դեմ պայքարում », - շարունակել է Քերին: Նա չի բացառել, որ Քրդստանի ճանաչումը «կարող է խափանել երկրի խորհրդարանական դաշինքը», փոխանցում է ՏԱՍՍ-ը:
2014 թ. սկզբից քուրդ ապստամբները ակտիվ մասնակցում են ԻՊ խմբավորման դեմ կառավարական ուժերի հակաահաբեկչական գործողություններին ոչ միայն Իրաքի Քրդստանի տարածքում, այլեւ Նայնավա, Սալահ-էդ-Դին եւ Անբար նահանգներում, ինչպես նաեւ պաշտպանում են Բաղդադի կառավարական շենքերը:
