նախընտրելի դարձնելՀայաստանում «Ռուսհամագործակցության» ներկայացուցչությունը նոյեմբերի 10-ին կկազմակերպի «Շրջանավարտի միացյալ օր»՝ նվիրված Գիտության համաշխարհային օրվան:
Ներկայումս ռուսական բուհերի 1 մլն շրջանավարտներ են աշխատում աշխարհի 173 երկրներում:
NEWS.am-ին «Ռուսհամագործակցության» ներկայացուցչության մամուլի ծառայության ղեկավարը հայտնեց, որ շրջանավարտների հանդիպումը կկայանա Հայաստանի պետական ճարտարագիտական համալսարանի Անդրանիկ Մարգարյանի անվան դահլիճում (17-րդ մասնաշենք) ՝ ժ. 14.30 –ից 16.00-ն:
Հրավիրյալների թվում են ՀՀ ԿԳ նախարար Արմեն Աշոտյանը, ՀՀ-ում ՌԴ արտակարգ եւ լիազոր դեսպան Իվան Վոլինկինը, «Ռուսհամագործակցության» ներկայացուցչության ղեկավար Մ. Կալինինը, «Տնտեսագիտության բարձրագույն դպրոց» ազգային հետազոտական համալսարանի, «Սիներգիա» համալսարանի ներկայացուցիչներ եւ ՀՀ կառավարական շրջանակի այլ պաշտոնատար անձինք:
Տեղեկությունների համար զանգահարել 093 354216 հեռախոսահամարով:
Տոնն այս տարի նշվում է առաջին անգամ եւ ներառել է շատ երկրներ: Առաջին երկիրը, որտեղ հանդիսություններ են եղել, Հորդանանն էր:
