նախընտրելի դարձնելԼուգանսկի ղեկավար Իգոր Պլոտնիցկին Ուկրաինայի նախագահ Պյոտր Պորոշենկոյին մենամարտի է հրավիրել, գրում է «Վզգլյադը»՝ վկայակոչելով Պլոտնիցկու բաց նամակը, որը հրապարակվել է Կուգանսկի ժողովրդական հանրապետության կայքում:
ԼԺՀ ղեկավարի խոսքով՝ մենամարտն արդար անցկացնելու համար պետք է, որ կողմերից յուրաքանչյուրը 10-ական դիտորդ-մարտավկա եւ մամուլի 10-ական ներկայացուցիչ բերի:
«Դեմ չեմ ցանկացած հեռուստաալիքով ուղիղ հեռարձակմանը, եթե Դուք դա հնարավոր եք համարում: Մարտահրավերի եւ զենքի ընտրությունը Ձեզ եմ թողնում», – հավելել է նա:
Ընդ որում՝ Պլոտնիցկին հայտարարել է, որ իր առաջարկն իմպուլսիվ չէ, այլ երկար մոտորումների արդյունք է: «Ձեզանից անմիջական պատասխան եմ ակնկալում, քանի որ ձգձգման յուրաքանչյուր ժամ նոր զոհեր, տառապանքներ եւ բյուջեի ծախսեր են եւ Դոնբասի բնակիչների, եւ Ուկրաինայի քաղաքացիների համար», – նշել է նա:
«Ես հնագույն, վաղեմի սովորույթ եմ առաջարկել, որտեղ Աստված կպատժի նրան, ով իրավացի չէ», – նշել է նա՝ արդեն Պորոշենկոյին ուղղված բաց նամակի հրապարակումից հետո՝ հավելելով, որ իր պարտության հնարավորությունը «չի պատկերացնում»:
Պյոտր Պորոշենկոն առայժմ ոչ մի կերպ չի մեկնաբանել մարտահրավերի կոչը:
