նախընտրելի դարձնել
Նորվեգական Svaice ընկերությունը հին սառցադաշտից բարձր կարգի սառույցներ կմատակարարի ռեստորաններին ու բարերին՝ կոկտեյլ պատրաստելու համար:
Ընկերությունն իր անվանումն ստացել է Նորվեգիայում մեծությամբ երկրորդը համարվող Սվարտիսեն սառցադաշտի պատվին: Այս անսովոր արտադրանքով արդեն հետաքրքրվել են պոտենցիալ գնորդներ Դուբայից:
Ընկերության ներկայացոիցիչների խոսքով՝ սառույցը 100 տոկոսով բնական է ու քանի որ սառցադաշտը մի քանի հազար տարեկան է, ապա սառույցը կարելի է համարել շքեղության ապրանք: «Այն նույնքան բնական, մաքուր ու օգտակար է, որքան հանքային ջուրը»,-ասերլ են ընկերությունում:
Այդուհանդերձ, այս նախաձեռնությունը հակառակորդներ ունի: Նորվեգիայում վայրի բնության համաշխարհային հիմնադրամի գլխավոր քարտուղար Նինա Յենսենը կոչ է անում դադարեցնել սառցադաշտից սառույց մատակարարելու աշխատանքները, քանի որ առանց այն էլ կլիմայի փոփոխության հետեւանքով սառցադաշտը կարող է անհետանալ երկրի երեսից:
Սակայն Svaice ընկերության ներկայացուցիչները պնդում են, որ սառույցը, որն իրենք ուզում են վերցնել, ընդամենը մեկ բաժակ ջուր է օվկիանոսից:
