նախընտրելի դարձնել
Պարզվել է Կիեւի կենտրոնում փոխհրաձգություն սարքած ադրբեջանցիների ինքնությունը:
Ինչպես հաղորդում է ԱՊԱ-ն, Ուկրաինայում Ադրբեջանի դեսպանատան հյուպատոսական հարցերով առաջին քարտուղար Ասիմ Օսմանովը հայտնել է, որ Ադրբեջանի ձերբակալված քաղաքացիներից մեկը՝ Դավուդ Աղաեւն է, մյուսը՝ Ուկրաինայի քաղաքացի Իգոր Ալիեւը:
Օսմանովը հայտարարել է, որ ձերբակալվածների նկատմամբ դատարանը համապատասխան որոշում կկայացնի:
Ավելի վաղ NEWS.am-ը հայտնել էր, որ մարտի 26-ի ցերեկը ադրբեջանցիները Կիեւի ուղիղ կենտրոնում հոլիվուդյան ոգով փոխհրաձգություն են կազմակերպել: Հրաձգությունից հետո տեղի է ունեցել չարագործների հետապնդում, որի արդյունքում մի փոքր տուժել է մի ոստիկան, որին փորձել են մեքենայի տակ գցել փախուստի դիմող հանցագործները: Այդուհանդերձ, երեք ադրբեջանցիներից կազմված, մինչեւ ատամները զինված խմբավորմանը հաջողվել է ձերբակալել:
Հիվանդանոց է տեղափոխվել եւս մեկ տղամարդ, որին հանցագործները ցանկացել են սպանել, սակայն վիրավորել են ազդրից:
Ոստիկանությունում կարծում են, որ տեղի է ունեցել քրեական «ռազբորկա» երկու կազմակերպված հանցավոր խմբավորումների միջեւ:
Ոստիկանությունը ձերբակալման ժամանակ մեծ քանակությամբ զենք է առգրավել:
