նախընտրելի դարձնել
2011-2013թթ. ընթացքում գազի դիմաց կուտակված պարտքի ձեւավորումը հակասում է ՀՀ Սահմանադրությանը: Այս մասին ասված է ՀՀ գազամատակարարման համակարգի գործունեությունն ուսումնասիրող ԱԺ ժամանակավոր հանձնաժողովի անդամ, «Ժառանգություն» խմբակցության ղեկավար Ռուբեն Հակոբյանի հատուկ կարծիքում:
Հատուկ կարծիքում, մասնավորապես, ասվում է.
«ՀՀ գազամատակարարման համակարգի գործունեությունն ուսումնասիրող ԱԺ ժամանակավոր հանձնաժողովի 2-րդ ենթախմբի քննարկման արդյունքում՝ 2011-2013 թվականների ընթացքում գազի դիմաց կուտակված պարտքի ձեւավորման օրինականության ու չափի հիմնավորվածության եւ «Հայռուսգազարդ» ՓԲԸ կանոնադրական կապիտալում ՀՀ ունեցած բաժնեմասի գնահատման գործընթացի ուսումնասիրությունները ցույց տվեցին, որ՝
1. 2011-2013թթ. ընթացքում գազի դիմաց կուտակված պարտքի ձեւավորումը հակասում է ՀՀ Սահմանադրության 5. 81 հոդվածներին, «Բյուջետային համակարգի մասին» ՀՀ օրենքի 1. 2 եւ 11 հոդվածների, եւ «Պետական պարտքի մասին» ՀՀ օրենքներին:
2. «Հայռուսգազարդ» ՓԲԸ կանոնադրական կապիտալում ՀՀ ունեցած բաժնեմասի գնահատում /աուդիտ/ տեղի չի ունեցել:
Խախտվել է «Պետական գույքի մասնավորեցման /սեփականաշնորհման/ մասին » ՀՀ օրենքի 4.1 եւ 24.2 հոդվածները»:
