նախընտրելի դարձնել
Այս տարի ջրահեղձման 6 դեպք է գրանցվել: Այս մասին այսօր` սեպտեմբերի 2-ին, լրագրողների հետ զրույցում ասաց ՏԿԱԻՆ Փրկարարական ուժերի վարչության պետ Արսեն Արշակյանը։
«Այս տարի ջրահեղձվողների թիվը 2-ով նվազել է: Երկու դեպքը է գրանցվել Սևանում. մեկի դին մինչ օրս փրկարարներին չի հաջողվել գտնել»,-ասաց Արշակյանը:
Արսեն Արշակյանի խոսքով` լողաշրջանի սեզոնին ստացվել է 26 ահազանգ, որից 14-ը գրանցվել է քաղաքացիների` մեքենաներով Սևանա լճում հայտնվելու հետևանքով։
Փրկարարական ուժերի վարչության պետն նաև տեղեկացրեց, որ այս տարի բարձր ջերմաստիճանով պայմանավորված հրդեհների թիվն ավելացել է: Արդյունքում այրվել է 5232 խոտածածկ տարածք՝ մոտ 8141 հա և 3812 հա անտառային տարածք:
«Վերջին շրջանում խոստածածկ տարածքների հրդեհների թիվը նվազել է, առաջիկա օրերին ջերմաստիճանը կբարձրանա, բայց հրդեհների ավելացման վտանգ չկա»,-ասաց Արսեն Արշակյանը։
Արշակյանը նշեց, որ իրենք քաղաքացիներից ստանում են նաև զավեշտալի զանգեր, որոնց պետք է արձագանքեն, օրինակ` «կատուն ծառ է բարձրացել, հարկավոր է իջեցնել, լվացքի մեքենայի դուռը փակվել է, կգաք բացեք»:
