նախընտրելի դարձնելՔեմբրիջի դքսուհի Քեթրինն առաջին անգամ կրել է արքայադուստր Դիանայի հայտնի խույրը, տեղեկացնում է Daily Express-ը: Ուիլյամ արքայազնի կինը այդ զարդարանքով է ներկայացել Բուքինգեմյան պալատում դիվանագիտական ընդունելությանը: Միջոցառմանը մասնակցել է նաեւ Եղիսաբեթ II թագուհին եւ բրիտանական թագավորական ընտանիքի այլ ներկայացուցիչներ: Ընդհանուր առմամբ երեկոյին 1,5 հազար հյուր է ներկա եղել:
1913-ին ստեղծված «Սիրո հանգույցներ» անունով քեմբրիջյան խույրը Եղիսաբեթ II թագուհին ժառանգել էր իր տատիկից` Մարիա թագուհուց: 1981-ին Եղիսաբեթ II-ն այդ զարդը հանձնել էր իշխանուհի Դիանային` որպես արքայազն Չարլզի հետ ամուսնության նվեր: Դիանան առաջին անգամ «Սիրո հանգույցները» կրել է 1981-ի նոյեմբերին խորհրդարանի բացման արարողությանը: Հետագայում իշխանուհին Բրիտանիայում եւ արտասահմանում տարբեր միջոցառումներին բազմիցս ներկայացել է հենց այդ խույրով : Դա նրա ամենահայտնի զարդերից մեկն է: Չարլզից բաժանվելուց հետո Դիանան խույրը թագուհուն էր վերադարձրել, գրում է Gazeta-ն:
Քեմբրիջի դքսուհին, ըստ ամենայնի, աշխարհիկ միջոցառմանն է ներկայացել մի զգեստով, որով արդեն հայտնվել էր հանրության առաջ: Ենթադրվում է, թե խոսքը այն զգեստի մասին է, որով նախկին օրիորդ Միդլթոնը ներկայացել էր 2013-ի դիվանագիտական ընդունելությանը: Շատերը սպասում էին, որ Քեյթը «Սիրո հանգույցները» կկրի իր հարսանիքի օրը, սակայն այդ օրը նա այլ խույր էր նախընտրել, հիշեցնում է պարբերականը:
