նախընտրելի դարձնելԵրեքշաբթի տեղի ժամանակով 12:00-ին ուժի մեջ է մտել հրադադարի ռեժիմը: Համապատասխան նախաձեռնությամբ հանդես է եկել երկրի նախագահ Աբդ Ռաբբո Մանսուր Հադին:
Ինչպես ակնկալվում է, զինադադարը կտեւի յոթ օր եւ կհամընկնի Շվեյցարիայում հակամարտության կարգավորմանն ուղղված բանակցությունների մեկնարկին: Սակայն հավանականություն կա, որ այն կխախտվի, դա բազմիցս տեղի է ունեցել ավելի վաղ` ընթացիկ տարում: Սաուդյան Արաբիան, որը գլխավորում է «արաբիական դաշինքը», այս անգամ հայտնել է, որ իրեն իրավունք է վերապահում պատասխանել շիա ապստամբների (հուսիտների) կողմից ցանկացած խախտմանը, տեղեկացնում է ՏԱՍՍ-ը:
Ինչպես նախկինում էր եղել, ապստամբների կողմից վերահսկվող շրջանների ռմբակոծումը չի դադարել մինչեւ ռեժիմի ուժի մեջ մտնելը: Reuters գործակալության տվյալներով, Սաուդյան Արաբիային սահմանակից Հաջջայի նահանգում ավիահարվածների հետեւանքով 15 մարդ է զոհվել, 20-ը վնասվածք է ստացել: Ինչպես հայտնի է դարձել երեքշաբթի, Էր-Ռիյադի գլխավորած ուժերը նաեւ վերականգնել են վերահսկողությունը Զուքար կղզու նկատմամբ, որը Կարմիր ծովում գտնվող Հարիշ կղզիախմբի ամենախոշոր կղզին է:
