Հայաստանի եւ Ադրբեջանի նախագահների հանդիպումից միակ ակնկալիքն այն է, որ կարողանան վերջապես Ադրբեջանին իրական դաշտ բերել: Այս մասին, այսօր՝ դեկտեմբերի 17-ին, լրագրողների հետ զրույցում նշել է Հայաստանի ԱԳ փոխնախարար Շավարշ Քոչարյանը՝ մեկնաբանելով դեկտեմբերի 19-ին Շվեյցարիայում Հայաստանի ու Ադրբեջանի նախագահների սպասվող հանդիպումը:
Քոչարյանի խոսքով, Ադրբեջանի բոլոր գործողությունները հակասում են եւ՛ միջազգային իրավունքին, եւ՛ միջնորդների բոլոր հորդորներին, եւ՛ ընդհանուր առմամբ միջազգային պրակտիկային: «Այնպես որ, քիչ է մնացել, տեսնենք՝ կհաջողվի՞ այդ հանդիպումով Բաքվի ղեկավարությանը բերել իրական դաշտ, թե՞ պետք է լրիվ այլ գործընթացներ սկսվեն»,-ասել է Շավարշ Քոչարյանը: