Վերջին 10 տարվա ընթացքում Լեռնային Ղարաբաղում կառուցվել է 13 ՀԷԿ։ Այս մասին NEWS.am-ի թղթակցի հետ զրույցում ասել է Լեռնային Ղարաբաղի Հանրապետության էկոնոմիկայի նախարար Անդրանիկ Խաչատրյանը։

Նրա խոսքով՝ դա թույլ է տվել մեծացնել էլեկտրաէներգիայի ծավալները ավելի քան 6 անգամ եւ դուրս գալ էլեկտրաէներգիայի ոլորտում ինքնաբավ մակարդակի։ Այսօրվա դրությամբ էներգետիկայի ոլորտում աշխատում է ավելի քան 2000 մարդ։

«Տնտեսության նոր ուղղություններից մեկը լեռնահանքային արդյունաբերությունն է։ Լինելով առավել երիտասարդ ճյուղ՝ այն դարձել է  պետական բյուջե հարկային վճարումների խոշորագույն աղբյուրը եւ 1500 աշխատատեղ է ապահովել»,- ասել է նախարարը։