նախընտրելի դարձնելՀԱՊԿ-ի նոր գլխավոր քարտուղարի թեկնածությունը կորոշվի երկուշաբթի, հնարավոր է, որ Հայաստանի ներկայացուցիչը զբաղեցնի այդ պաշտոնը, տեղեկացրել է ՌԴ նախագահի օգնական Յուրի Ուշակովը, տեղեկացնում է «ՌԻԱ Նովոստին»:
«Տվյալ հարցի աշխատանքային քննարկում է ընթանում: Երկուշաբթի առաջնորդները վերջնական որոշում կկայացնեն: Մի քանի տարբերակ է քննարկվում»,- ուրբաթ Մոսկվայում ճեպազրույցին ասել է նա:
Ուշակովը հիշեցրել է, որ այսուհետ գլխավոր քարտուղարի պաշտոնը ռոտացիոն է դառնալու:
«Ռոտացիան դիտարկվում է ռուսական այբուբենի հիման վրա, այդ պատճառով լիովին տրամաբանական է, որ Հայաստանի ներկայացուցիչը դառնա կազմակերպության գլխավոր քարտուղար: Սակայն այդ հարցը դեռ քննարկվում է»,- ընդգծել է նա:
Ենթադրվում է, որ ՀԱՊԿ գագաթնաժողովին ահաբեկչության դեմ պայքարի վերաբերյալ հայտարարություն կընդունվի:
