նախընտրելի դարձնելԱՄՆ-ի Կոնգրեսը հավանություն է տվել 2016 թվականին Ուկրաինային ավելի քան 658 մլն դոլարի միջոցներ հատկացնելու վերաբերյալ օրենքին, տեղեկացնում է ՈՒՆԻԱՆ-ը:
Տվյալ որոշումը հաստատվել է 2016-ի բյուջեում, որը ստորագրել է ԱՄՆ-ի նախագահ Բարաք Օբաման:
Նշվում է, որ վերջնական գումարը 145 մլն դոլարով ավել է սկզբնականից. նախատեսված է Ուկրաինային 513,5 մլն դոլար հատկացնել:
«Այն միջոցները, որոնք հատկացվում են ԱՄՆ-ի Պետքարտուղարությանը եւ Պաշտպանության նախարարությանը եւ կարող են օգտագործվել Ուկրաինային ռազմական օգնության եւ անվտանգության հարցերով օգնության համար, կարող են գերազանցել 300 մլն դոլարը, որը բյուջեում արձանագրվել է ազգային պաշտպանության կարիքների համար», — ասվում է Ուկրաինայում ԱՄՆ-ի դեսպանատան մամուլի ծառայության հաղորդագրության մեջ:
Դեսպանատանն ընդգծել են նաեւ ամերիկյան նավթի արտահանման արգելքի վերացման կարեւորությունը եւ հավելել են, որ դա կնպաստի Եվրոպայի երկրների էներգետիկ անվտանգությանը եւ ռուսական ռեսուրսներից Ուկրաինայի կախվածության նվազմանը:
